原作：夏雨田 改編：黃俊英
表演：黃俊英 楊達
（按原相聲視頻整理）
/v?pd=wisenatural&vid=2427004820967498412
楊：我e叫楊達，系壹個相聲演員。
黃：我e轉咗行啦，我系電話局嘅，我個名叫做菊花圓。
楊：我屋企依家裝咗個電話啦。
黃：對啦，佢嘅電話系我負責裝到佢家。
楊：對。不管點樣好，我先多謝妳同埋多謝電話局。
黃：Hey，使乜客氣，不過咁喔……
楊：點啊？
黃：第日我哋電話局開晚會，請妳出返個節目助慶壹下喔。
楊：咁話咁易唔止咁易啦。只要妳開聲啫，我保證同妳搞掂曬佢。
黃：系咪啊？（頭退壹下）
楊：系，橫早我依家寫緊壹個節目叫做“金錢版說唱”。
黃：叫咩名？
楊：叫《贊電話》。
黃：電話都贊得？（後退壹步）
楊：梗系贊得啦。
黃：餵，噏幾句嚟聽下哩？
楊：餵，順口溜嚟嗝之喔。
黃：好啊，好啊。
楊：嗱，聽完之後多提意見。
黃：無客氣。
楊：好無？
黃：嗯嗯。
楊：聽住。話說呢壹日，正系我休息，電話局嘅菊師傅真系夠曬積極。佢為我裝電話呢，zhe系全心兼全力。依家屋企有個電話，我做起事嚟的確zhe夠曬招積。壹個電話搞掂曬，啊唔使下下去打的。
黃：啊，好嘢喔，好嘢，好嘢！
楊：好乜嘢？真系！
黃：啊，di di 的的的的，咁嚇嘩？
楊：啊，過獎過獎。
黃：嗱，咁啊嚇，我有D事我走先。
楊：走啦？
黃：得閑再探過妳，好無？
楊：得閑坐下……
黃：系咁先嚇。
楊：好（笑，關門）哎，真系屋企有個電話，零舍唔同?，車錢慳返好多啊嘛。嚇，好似我二樓果個張太e ，舊年都裝咗個電話啦。哩，今日輪到我裝啦。我聽講我哋三樓同埋四樓果個譚sir啊、周sir啊咁樣，佢哋已經申請緊準備裝。應該啦，線路咁多，又方便，嚇話？真系！
黃：開門，開門！
楊：邊位啊？
黃：（指另壹邊）樓上曾大嬸啊。
楊：哦，（開門）系，曾大嬸，咁坐蕩嘅？
黃：想借個電話打下之嘛。
楊：喲！咁快借電話？！
黃：乜妳又唔肯借啊？
楊：唔系，有咩唔肯借啫？借電話有咩所謂啫？哩，（“請”的手勢）過嚟，過嚟。
黃：啊，妳e真系好人啊。
楊：點啊？
黃：妳唔同隨阿二樓張太啊。
楊：二樓張太點呢？
黃：哎呀，二樓阿張太硬系唔肯借。
楊：點解唔肯借啊？
黃：因為話會出人命啊，負唔起責任。
楊：A，借電話點會出人命啫？
黃：系啊，因為佢話個電話會漏電，（楊笑）仲話專門電D伯爺婆添喔。
楊：妳聽佢講啦，電話點會漏電啫？
黃：妳個電話唔會漏電啊嘛？
楊：唔會，唔會，妳打，妳打，妳打。（黃提話筒按鍵）哎，電話會漏電。阿大嬸啊，（A！）最好妳快D咁多。
黃：得啦，好快脆，最多唔超過半個鐘頭。
楊：嘩，（撓頭）半個鐘頭仲好快啊？
黃：（笑）餵，系咪大西洋賓館呢？系啊，我揾阿玉珠哦。
楊：哦，揾親戚。
黃：系我外甥女咯，今年e二十壹歲，身高壹米六“八”，未行結婚未有對象，住系江東大道五十“八”號，（喲！）系順德人嚟嘅！（大嬸啊…）啊……嚇？
楊：妳唔系打電話報戶口啊嚇嘩？點解講得咁清楚嘅？
黃：講清楚人家容易揾啊……餵，餵，哦……妳問佢響妳哋賓館邊個部門做嘢啊？佢系響賣喊酸果個部門咯。
楊：哦，可能系餐廳嘞。
黃：咩話？妳哋賓館無賣喊酸個部門……我知啊，佢唔系響妳哋賓館度賣喊酸。
楊：喲，佢系邊度賣呢？
黃：佢系響妳哋賓館大門口（手指左邊）斜對面左手面個巷口擺檔賣喊酸哦。
楊：哎喲，原來擺地檔啊？（啊！）同妳乜關系啊？
黃：系無關系，不過麻煩妳“L”阿玉珠嚟聽電話得唔得？（喲！）咩話？妳哋唔得“閑”啊？（啊！）哎呀，同誌啊，妳學學雷鋒好唔好？（墟……）阿個檔口離妳哋賓館好近嘅，阿玉珠奉旨唔會走開嘅，除非阿sir嚟佢就走唔徹嘅啫。
楊：嘩，原來無牌攤販添。
黃：（大聲）餵，餵，（話筒離耳，撓頭）突然間無聲嘅餵？
楊：梗系無聲啦，大嬸啊，人哋早就收咗線啦。
黃：（放下話筒）A……乜嘢服務態度？（喲！）壹D人情味都無！（“壹”字重音，走開兩步）（墟……）算啦，等陣間再嚟打過啰。
楊：仲嚟打過啊？
黃：妳唔知啦，阿二姑e啱啱病好咗無乜胃口，吃D喊酸開下胃，咁咪打個電話“L”阿玉珠攞D返去俾佢啰。
楊：哦，咁睇嚟阿大嬸又幾好人個喔。
黃：阿二姑啊孤寡老人啊，大家都要關心佢嘅嘛。
楊：對對對對，應該關心，應該關心。（哎！）哩，咁阿大嬸，（唔？）壹陣間妳唔使再嚟嘞。
黃：咁點啊？
楊：橫早我出街，（哦！）嘞，我就響街上咁e買D我親自送去咪得啰。
黃：咁e唔該曬妳啦喔。
楊：唔使唔該，關心孤寡老人……
黃：系咁我旨意妳啦。
楊：好好好，（走啦！）走啦？慢慢行啊嚇。好！（關門）系……
黃：（回頭）開門，開門！
楊：咦？咩啊大嬸？漏咗咩嘢啊？（幫大嬸找）
黃：唔系漏嘢，啱先唔記得同妳講拜拜啊。（楊失笑）拜拜！
楊：（笑）拜拜！哎，幾乎落到地下仲返轉頭拜拜，睇唔出大嬸幾阿歲人仲咁生鬼。妳話死唔死啊嘞？無啦啦俾阿大嬸搞咗咁耐時間，真系仲使做野嘅？
黃：開門，開門！
楊：又邊位啊？
黃：老楊，想借個電話打下啦。
楊：A，原來周伯。（開門）
黃：老楊麽？
楊：咩事啊，點呢？
黃：想借個電話打下啦。
楊：妳又借電話啊？啊，周伯啊，妳啊住響我地下啦，（唔！）走上去六樓借個電話，咁真系咁高，難為妳爬喔。
黃：要沖壺靚茶？得咯，唔使咁客氣咯，求其有馬騮搣就得咯。
楊：我唔知幾時有沖壺靚茶呢？睇嚟周伯只耳有D撞聾嘞。
黃：哦，無馬騮搣有烏龍啊？烏龍都好咯，呵呵………
楊：咩烏龍啊？我話妳只耳啊，有D唔掂啊。
黃：妳個電話又系漏電？
楊：電話點會漏電嘅啫？
黃：咩唔會啊？二樓張太個電話就漏電咯。
楊：妳聽佢噏啦。佢唔肯借俾妳就真。
黃：佢唔肯借就罷，妳肯借得，妳個電話唔會漏電？（指電話）
楊：唔會，唔會，唔會。打，打，打，打！
黃：A…………
楊：電話又系漏電嘅？真系！點啊？乜反應啊？
黃：得啦。餵，系咪汽車公司啊？餵，餵……（拍電話）
楊：（心痛電話）周伯啊，妳唔使催佢。
黃：唔催佢唔響。
楊：哎呀，妳估喇叭咩？
黃：聽唔到啦。
楊：妳梗系聽唔到啦，妳知唔知啊？妳只耳有D撞聾啊，點聽啊？
黃：（放下電話）不如咁啦，
楊：點啊？
黃：麻煩妳幫下手哩？
楊：點幫法？
黃：妳同我摣住個電話，我講說話妳同我傳過去，“尼塞”講說話妳就同我傳返過來。
楊：咁咪變咗電話線？
黃：得嗎？
楊：無計啦，（黃壹直笑）佢聽唔到嗝嘛，如果唔系啊，佢打到天光未掂。
黃：系咯，系咯。
楊：得得得……
黃：唔該曬。
楊：啊，周伯，講掂先。（哦！）妳嘅意思系咪即系話，我幫妳聽電話，（系！）妳講乜嘢哩，我學返俾對方聽；（系！）對方講乜嘢，我講返俾妳聽？
黃：無乜假咯。
楊：系咁啦嘛？好，電話號碼幾多號？
黃：837754。
楊：幾多話？
黃：（大聲）837754！
楊：（重復）837754！（系！）正壹“鑒生激激唔死”。咁……唉……（撥電話）837754。通嘞，講啦！
黃：系咪汽車公司啊？
楊：系咪汽車公司啊？系喔，問妳揾邊個喔？
黃：我揾周日發啦。
楊：我揾阿周日發啦。佢話系周日發，問妳系邊個喔？
黃：我系妳老豆。
楊：我系妳老豆。佢話，系妳阿爺喔。
黃：嚇？
楊：佢話系妳阿爺啊。
黃：混賬！
楊：混賬！咪咪咪咪咪咪咪，餵，唔好誤會嚇，千祁無誤會。我呢，就系六樓阿老楊。系，妳個老豆哩妳知嘎啦，佢有D撞聾啊嘛。佢打電話俾妳，佢驚妳聽唔到，因此叫我嚟同佢打，佢講乜嘢我講乜嘢，妳講乜嘢我講返俾佢聽，就咁嘅啫。唔系揾笨，傻嘅咩？真系！幾廿歲人攞D咁嘅嘢嚟玩？好好好，我問佢嚇。問妳有咩事？
黃：阿家嫂生咗個仔。
楊：哦，餵，周日發啊，恭喜妳啊！妳老婆生咗個仔啊。系，真系啊！好好好，我問佢先。改咗名未喔？
黃：等佢老豆起名。
楊：餵，等妳起名啊。嚇？起咗啦？餵，叫咩名啊？周時發啊。嘩，佢老豆叫周日發，同個仔改個名叫周時發，咁妳兩仔爺咪發曬？俾D人哋發下至得嘎。好好好，我講佢聽啊。改咗啦，（A！）叫周時發。
黃：乜啊？
楊：周時發啊。
黃：走私犯啊？
楊：咩走私犯啊？叫周時發！（哦！）即系話周時都發咁樣。
黃：哦，周時發。（A！）發就好咯，發咗之後，我哋都裝返個電話咯，哈哈…………
楊：咁就死得人多咯。等個孫大個發咗先至裝返個電話喔，咁個電話咪有派捱？仲有乜講先？
黃：無咯。
楊：餵，妳個老豆無啦。咪咪咪咪唔系，口快快真系，大吉利是！真系！無無無，我問佢有無咩講，佢話無嘞，所以咁……系，妳無嘢嚇嘛？無。好，就咁先嚇，拜拜！（對黃）周伯，（A！）恭喜喔！（乜啊？）仲使問嘅？真系啊！抱孫嘞嘛，系嘩？
黃：系！（笑）
楊：咁系咪恭喜啊？嘞，咁妳得閑嘅時候呢，響屋企抱住金缽羅玩下，咁妳e唔使咁煩嘎啦。
黃：仲要留我吃飯？唔吃咯，走咯。（走啦？）走咯。（唔送le喔。）唔使送咯，夠鐘吃飯再上過來咯。哈哈哈哈……
楊：哎，正式聾人好辯駁啊。唔知幾時有請佢食飯呢？唔使送咯，夠鐘食飯上過嚟咯，好似食硬咁樣，真系！啊，咁樣妳話死唔死嘞？有電話又煩，無電話又煩。呢，依家有啦，妳話唔借嘛，咁又唔系幾好，大家街坊街裏同屋***主，唔通借個電話打下話唔得咩，嚇嘩？呢D叫互相幫助啊嘛。妳話借嘛咁樣，妳話碰啱好似周伯咁聾盲嘅……
黃：開門，開門！
楊：又邊個啊？
黃：楊先生妳開咗門就知我系乜水個咯！
楊：哦，我仲以為系邊位添，原來系阿張太嚇嘩。
黃：乜仲識得叫我做張太麽？我以為妳裝咗個電話，連樓上樓下都無有識得嘞呢。
楊：A，裝咗個電話，有乜咁巴閉e ，點會唔識人至得格？啊，系哩，妳揾我咩事啊？
黃：想借個電話打打呢。
楊：開玩笑嚇嘛？張太！乜妳都使借電話嗝咩？
黃：無有肯借麽？
楊：唔系，咁妳屋企已經有電話嘞……
黃：系，我個電話私人裝個，打壹次要三幾毫子，打長D要三兩蚊雞嘅呢。
楊：咁縮骨嘅人都有嘅，真系！系啦，我個電話又系私人裝嘅。
黃：A，無有系。妳系名演員，妳個電話公家同妳裝個。
楊：話就咁話啫，咁都要交電話費嘎。
黃：妳無有知我電話出咗故障，打無通呢。
楊：我個電話亦出故障，打唔通喔。
黃：妳個電話咩故障呢？
楊：漏電！（漏…）專門電D女人嘅。
黃：死無死？我個電話專電伯爺婆，佢個電話專電女人個。無有系，妳無使呃我。電話無得漏電個，我車大炮嚇D伯爺婆嘅啫。
楊：正式鬼拍後尾枕啦，咩嘢都講曬出嚟啦。
黃：妳借無借麽？
楊：如果我唔借呢？
黃：妳無有借，我索性坐系度坐到妳開飯都無有走。
楊：喲！咁long嚟嘅人都有嘅？嚟，打打打打，快D。
黃：早就應該借俾我打，又無話阻到妳好多時間。
楊：唉，怕咗妳先怕塞車啊。
黃：（打電話）餵，系無系金花酒樓哩？系我揾阿張大眼哩，花名叫大眼雞哩。
楊：喲，原嚟打電話揾老公喔。
黃：咩話？妳就系大眼雞？妳只死佬妳嘩！我早就知妳拉果班豬朋狗友飲酒，妳只發瘟雞妳嘩！壹日啊出外劑風花雪月，丟底啊老娘坐系屋企捱隔夜菜。
楊：我睇講說話呢斯文壹D好。
黃：咩話？傾工作？妳無使呃我。妳梗撈只狐貍精系度鬼鬼混混，（喲！）大眼雞我警告妳，妳有第三者，我就有第六者。
楊：（笑）哎，正式人唔自量就無藥醫。好心妳睇下妳個樣啦，佢話佢有第六者添喔，真系！
黃：咩話？妳無理我？妳無理我，大把人理我；（系咩？）妳嫌棄我，大把人喜歡我；（re）妳討厭我，大把人愛我。（唔！）我話妳知，我家陣間就企緊個人就搏命追緊我。（嚇？）系乜水？我無有話妳知。人家比妳好得多，人家樣子靚過妳，人家個身材幾瀟灑。無學得妳，走起來成只棟企水魚咁樣，只眼大只眼細。人家雙眼有電個，識講相聲，識寫金錢版，屋企裝個電話幾架勢啊！
楊：我啊？
黃：大眼雞，佢啱先表態個咯，佢話妳明天上午同我離婚，下午就同我登記個咯。
楊：哎呀……
黃：我話妳知，妳今晚超過十分鐘無返嚟，我就馬上執包袱走人。
楊：妳走人啊？妳走邊度？
黃：我搬嚟妳屋企住咯。
楊：妳無害我，我講妳聽啊，嘻呀！
黃：無使驚得咁交關，正壹膽小鬼，我嚇下大眼雞嘅啫。
楊：最怕嚇妳大眼雞嚇唔到，嚇到我啵。
黃：楊先生，妳無使自作多情，對我想入非非。裝咗個電話好巴閉。
楊：我無講巴閉。
黃：我屋企有只電話。
楊：我知。
黃：我個電話號碼比妳好記，（唔！）66679046，即系666，專俾人戴綠。哼！哼……！（出門）
楊：哼！啊真系豈有此理，咁賤格嘅人都有嘅？唔憤氣，落去鬧佢至得。唔好，費事同佢捱交，失斯文，打個電話向佢批評下。（提起話筒）豈有此理，等佢666，專俾人戴綠啊啦。
（撥電話）餵，張太啊？揾妳做乜？無，向妳提下意見咯。妳頭先系我屋企打電話果陣時啊，（張太已再次入屋）真系太唔似樣啦。睇妳壹表斯文，講說話俗到死；專貪小便宜，心靈很不美；外表鬼咁靚，裏頭似只爛沙梨。妳D咁嘅所作所為啊，我話妳聽啊，如果妳唔改嘅，妳將來行到邊度都好，都系神臺貓屎——神憎鬼厭嗝咋。
黃：（拍楊肩）妳好嘢！
楊：啊？乜妳幾時上嚟啊妳？
黃：妳都無關門，我咪入來咯。
楊：無關門，妳就入得嚟嘞咩？
黃：妳好嘢啊，講說話有板有眼，押曬韻腳，用電話鬧人，妳幾新鮮啊！
楊：餵，我無鬧妳喔，我只系向妳提意見之喔。
黃：提意見？話我講說話俗到死？
楊：咁妳話系唔系啊？
黃：心靈很不美。
楊：妳自己知。
黃：妳拆咗我電話我都無有使怕。
楊：咁即系妳呢種人乜都唔使怕嘎啦。
黃：反正我住系妳樓下。
楊：做咩啊？
黃：從明天開始，我日日來妳屋企。
楊：咦？
黃：借電話！
楊：系……
——全劇完