麥兜:唔該妳啊,要碗魚蛋粗啊!
老板:冇粗面啵.
麥兜:咁啊,嚟碗魚蛋河粉啊.
老板:冇魚蛋了啵.
麥兜:咁啊...金錢肚粗面啊.
老板:冇粗面了啵.
麥兜:咁要魚蛋油面啊.
老板:冇魚蛋了啵.
麥兜:點解咩都冇嘅啊?咁要個墨魚丸粗面啊.
老板:冇粗面了啵.
麥兜:又冇啊?咁唔該嚟碗魚蛋瀨啊.
老板:冇魚蛋了啵.
得巴:麥兜啊,魚蛋同粗面都賣嗮啦,即系所有嘅魚蛋同粗面嘅配搭都冇啦.
麥兜:哦~~~~冇嗰D配搭系嘛?咁嚟碗凈魚蛋啊.
(得巴即刻冚個頭跌喺桌子上...無語...)
老板:冇魚蛋了啵.
麥兜:咁凈粗面咧?
老板:冇粗面了啵.
）常餐快餐特餐
麥兜: 唔該, 我要壹個常餐丫!
麥太: 常餐?! 常餐有咩食架?
夥計: 同特餐壹樣羅.
麥太: 咁特餐系咩黎架?
夥計: 同快餐咁上下羅.
麥太: 咁快餐系咩黎架?
夥計: 車~ 快餐咪即系午餐...
麥太: 午餐食咩架?
夥計: 午餐同晚餐壹樣架
麥太: 咁晚餐又食d咩呀?
夥計: 晚餐咪即系常餐羅..
麥太: 咁呀, 我要兩個常餐啦~
夥計: 好野呀~~ 我地今日d常餐...
夥計: 唔好意思, 常餐賣曬播.
麥兜: 唔.... 咁改要特餐丫
麥太: 特餐? 特餐有咩食架?
夥計: 特餐咪即系午餐羅..
麥太: 午餐食乜野架?
夥計: 都系晚餐果d野羅..
麥太: 咁乜野系晚餐呀?
夥計: 同快餐壹樣羅.
麥太: 咁快餐食咩架?
夥計: 唉快餐咪即系常餐羅...
麥太: 咁妳頭先又話冇常餐~?
夥計: 系呀, 常餐系賣曬呀, 咁妳試唔試下特餐丫?
麥太: 兩份特餐啦!
夥計: 唔好意思, 特餐賣曬播.
麥兜: 唔... 媽媽, 不如改快餐丫~
麥太: 快餐有咩架~?
夥計: 快餐即系常餐~~
麥太: 咁常餐有咩架~?
夥計: 常餐咪即系午餐羅..
麥太: 唉呀咁午餐有咩食呀?
夥計: 午餐同晚餐壹樣格.
麥太: 咁晚餐呢~?
夥計: 晚餐咪即系特餐羅~
麥太: 車, 咁妳頭先又話冇特餐?
夥計：系呀, 特餐系賣曬呀, 咁妳試唔試下個快餐丫壹樣既姐~~
麥太: 咁兩份快餐喇!
夥計: 唔好意思冇快餐喇~
麥太: 離唔離譜d呀? 咁妳地究竟有d咩餐呀?
夥計: 午餐啦~ 午餐好野呀.
麥太: 點好野法呀?
夥計: 同晚餐壹樣咁好野.
麥太: 咁晚餐又點好野法呀?
夥計: 同常餐壹樣咁好野羅
麥太: 咁常餐又點好野法呀?
夥計: 常餐?! 常餐壹早賣曬啦, 妳話好唔好野丫?
麥太: 好啦好啦! 要兩份午餐啦!!
夥計: 唔好思意, 午餐賣曬, 試唔試下我地個晚餐丫壹樣既姐..
麥太: 日光日白食乜鬼野晚餐呀?!
夥計: 唉, 個名叫晚餐姐, 其實咪即系午餐
麥太: 好啦好啦怕左妳啦, 要兩份晚餐呀快d手呀.
夥計: 想快?! 想快就要快餐啦..